ഈ വ്യക്തികളില്‍ ഏകദേശം 62 ശതമാനം പേര്‍ വാണിജ്യ വിമാനങ്ങള്‍ വഴി ഇന്ത്യയിലേയ്ക്കു മടങ്ങിയതായും ബാക്കിയുള്ളവരെ ചാര്‍ട്ടേഡ് വിമാനങ്ങള്‍ അല്ലെങ്കില്‍ സര്‍ക്കാര്‍ ഏകോപിപ്പിച്ച പ്രവര്‍ത്തനങ്ങള്‍ പോലുള്ള മറ്റു ക്രമീകരണങ്ങളിലൂടെ തിരിച്ചയച്ചതായും ജയ്സ്വാള്‍ അഭിപ്രായപ്പെട്ടു. അവരുടെ വിശദാംശങ്ങള്‍ പരിശോധിച്ചതിനു ശേഷം ഞങ്ങള്‍ അവരെ തിരികെ സ്വീകരിക്കുന്നു എന്നും ഇരു രാജ്യങ്ങള്‍ക്കുമിടയില്‍ സ്ഥാപിതമായ പ്രോട്ടോക്കോള്‍ എടുത്തു കാണിച്ചു കൊണ്ട് ജയ്സ്വാള്‍ പറഞ്ഞു
ഇന്ത്യന്‍ വിദ്യാര്‍ഥികളെയും എക്സ്ചേഞ്ച് സന്ദര്‍ശകരെയും ബാധിക്കുന്ന യുഎസ് വിസ നയങ്ങള്‍ ഇന്ത്യ സൂക്ഷ്മമായി നിരീക്ഷിക്കുന്നതിനാലാണ് നാടുകടത്തലിനെ കുറിച്ചുള്ള എംഇഎയുടെ അപ്ഡേറ്റ് വരുന്നത്. വിദേശത്തുള്ള ഇന്ത്യന്‍ വിദ്യാര്‍ഥികളുടെ ക്ഷേമത്തിന്‍റെ പരമ പ്രാധാന്യം ജയ്സ്വാള്‍ ആവര്‍ത്തിച്ചു.
""വിസ നല്‍കുന്നത് ഒരു പരമാധികാര കാര്യമാണെങ്കിലും ഇന്ത്യന്‍ അപേക്ഷകരെ മെരിറ്റിന്‍റെ അടിസ്ഥാനത്തില്‍ വിലയിരുത്തുകയും ഷെഡ്യൂള്‍ പ്രകാരം അവരുടെ അക്കാദമിക് പ്രോഗ്രാമുകളില്‍ ചേരാന്‍ അനുവദിക്കുകയും ചെയ്യുമെന്ന് ഞങ്ങള്‍ പ്രതീക്ഷിക്കുന്നു ,'' അദ്ദേഹം കൂട്ടിച്ചേര്‍ത്തു. പുതിയ വിദ്യാര്‍ഥി വിസ അഭിമുഖങ്ങള്‍ ഷെഡ്യൂള്‍ ചെയ്യുന്നതു താല്‍ക്കാലികമായി നിര്‍ത്താന്‍ അമെരിക്കന്‍ എംബസികള്‍ക്കും കോണ്‍സുലേറ്റുകള്‍ക്കും നിര്‍ദേശം നല്‍കുന്ന യുഎസ് സ്റേററ്റ് സെക്രട്ടറി മാര്‍ക്കോ റൂബിയോയുടെ പുതിയ നിര്‍ദേശത്തെ കുറിച്ചുളള റിപ്പോര്‍ട്ടുകളെ തുടര്‍ന്നാണ് ഈ പ്രസ്താവന.
ഭീകരവാദത്തിനെതിരെയും ജൂതവിരുദ്ധതയുമായും ബന്ധപ്പെട്ട എക്സിക്യൂട്ടീവ് ഉത്തരവുകളെ പരാമര്‍ശിക്കുന്ന നിര്‍ദേശം കൂടുതല്‍ അറിയിപ്പ് ഉണ്ടാകുന്നതു വരെ എഫ്,എം, ജെ വിസ വിഭാഗങ്ങള്‍ക്ക് ~വിദ്യാര്‍ഥി, എക്സ്ചേഞ്ച് , വിസിറ്റര്‍ വിസകള്‍~ അധിക അപ്പോയിന്‍റ്മെന്‍റ് സ്ളോട്ടുകള്‍ ചേര്‍ക്കരുതെന്ന് പ്രത്യേകം പറയുന്നു. പുതിയ പരിശോധനാ പ്രക്രിയയുടെ പ്രത്യേകതകള്‍ വ്യക്തമായില്ലെങ്കിലും, ട്രംപ് ഭരണകൂടത്തിന് കീഴിലുള്ള വിസ അംഗീകാരങ്ങള്‍ക്ക് കൂടുതല്‍ കര്‍ശനമായ സമീപനമാണ് ഈ നീക്കം നിര്‍ദേശിക്കുന്നത്.
അപ്പോയിന്‍റ്മെന്‍റ് സ്ളോട്ടുകള്‍ ചേര്‍ക്കരുതെന്ന് പ്രത്യേകം പറയുന്നു. പുതിയ പരിശോധനാ പ്രക്രിയയുടെ പ്രത്യേകതകള്‍ വ്യക്തമല്ലെങ്കിലും, ട്രംപ് ഭരണകൂടത്തിന് കീഴിലുള്ള വിസ അംഗീകാരങ്ങള്‍ക്ക് കൂടുതല്‍ കര്‍ശനമായ സമീപനമാണ് ഈ നീക്കം നിര്‍ദേശിക്കുന്നത്.
Comments: